Gruvemuseet Litlabø

Velkomen til ei av Noregs mest spennande gruver! Her kan du ta med heile familien på togtur og vandringar inne i dei tronge gruvegangane i fjellet, kombinert med føredrag og soger om arbeidsmetodar og gruveslusken sin kvardag. På sporvidde 600 mm køyrer det vesle gruvetoget, og det nyleg restaurerte lokomotivet «Geito» vogner med besøkjande 250 meter over uteområdet og eit stykke inn i fjellet. Heishuset, som i si tid romma maskineriet for sjaktheisen, er omgjort til utstillings- og forsamlingslokale.

Turane høver for både ungar og vaksne.

Geopark Sunnhordland

Øyriket, fjorden og fjella i Sunnhordland byr på ein svært rik og variert geologi som har prega både regionen og Vestlandet i oppsiktsvekkande grad. Geologien vår har sogar sett sitt preg på København og St. Croix i Karibien.

Geopark Sunnhordland fekk status som UNESCO Global Geopark i mai 2023. Geoparken formidlar vår rike geologi, kultur- og landskapshistorie for deg som gjest og oss som bur her.

Stord Kulturhus

Teater, konsertar, kino og symjehall er noko av kva du kan få oppleva i kulturhuset. Utanfor har Stord Kulturhus ein splitter ny skatepark og parkourplass.

Sunnhordland Museum – Leirvik

Sunnhordlandstunet består av elleve gamle hus i fredelege omgjevnader i Vidsteenparken. Her kan du oppleva både vakker natur og spanande fortid, berre nokre minutts gange frå Leirvik sentrum. Museet har fleire utstillingar og «escape room».

Kystoppleving

Bli med Venemøy i sommar på båtturar gjennom Sunnhordlandsbassenget. Her kan ein oppleve ein unik tur til fiskeværet Espevær med matoppleving på Gamleposten 5444.

Storddøra

Den 18 meter høge installasjonen Storddøra ligg godt synleg ved innseglinga til Leirvik hamn. Storddøra er laga av kunstnaren Sissel Tolaas og har 20 innebygde propellar som roterer i vinden og blenkjer i sola. I tillegg finn du Amatøranes Meister-apparata på ved «Storddøra» klar for ei ny sesong!

Fitjar Islands

Lengst vest, der djupe Vestlandsfjorder møter den forblåste skjærgården – der ligger Fitjar Islands produksjonslokaler. Blant værharde holmer og skjær lages det håndverkssåper og designes dufter inspirert av naturen.

Hystadmarkjo

Dette er ein godt tilrettelagt og grusa tursti som eignar seg for alle. Løypa er om lag to kilometer kvar veg. Langs heile løypa er det sett opp informasjonstavler som fortel om natur, kultur, miljø og friluftskvalitetane i området. Stien passerar like etter startpunktet i båthamna langs steingarden til kolerakyrkjegarden. Små sandstrender ligg mellom bergknausar og tett, velduftande skog. Her kjenner ein sjølufta og eimen frå fureskogen i same andedrag.

Du kan starte på fleire stader. Ved båthamna i Sævarhagen eller ved Apply (Leirvik Sveis) på Storhaug.

Eventyrskogen – Landåsen

Flott turveg på grus, løypa rundt Landåsen med mange gode og gamle eventyr. Du kan starte på parkeringsplassen på Vabakkjen. Informasjonstavle ved startpunkt. Skilta og merka etter ny løypestandard. Orienteringsgruppa har òg merka ulike tursløyfer med eigne fargar på pålar og oversiktskart.

Passar for alle og spesielt heile familien.

Engesund visningssenter

Sjå korleis oppdrett av laks blir drive. Du får sjå fisken i merden, smake på laksen som dei produsere, og kan ta ein tur med rib i det flotte øyriket som du seint vil gløyma.

Visningsanlegget ligg i Fitjarøyane nord for Engesund og er plassert ved oppdrettsanlegget på austsida av Dyrholmen. Sidan dette er eit matfiskanlegg som ligg på sjø, er ein avhengig av båt for å kome seg dit. Ein kan anten kome med eigen båt, eller me kan hente dykk i våre eigne hardribbar «Nylei» eller «Luso». Turen i seg sjølv er ei oppleving, og ein kjem nær sjøen og naturen i det flotte øyriket utanfor Fitjar.

Ein spenstig tur til fjelltoppen Kattnakken

Her kan du gå opp Sherpatrappene på veg opp til Kattnakken 724 moh på Stord. Mange tusen store steinar er brukt for å byggja mellom 450 og 500 trappetrinn i Fossabrekko. Både på veg opp og på toppen er utsikten fantastisk. Her kan du sjå både øyene Tysnes og Huglo, isbreen Folgefonna og Kvinnheradsfjella.

Elie Verkstad

Elie Verkstad er ein blomeverkstad som gir deg god kvalitet & kreative løysningar. Dei er ein totalleverandør som leverar det du måtte ønskje til einkvar anledning. I tillegg har dei eit breidt utval innan interiør, og fokus på nordiske produkt med eit unikt særpreg.

Dette er blomebutikken du må oppleva!

Moster Amfi

Moster Amfi formidlar nasjonalhistorie frå vikingtida, kyrkjehistorie knytt til Moster Gamle Kyrkje og geologihistorie. I Amfisalen blir det heile året arrangert intimkonsertar, teater, utstillingar, foredrag og selskapsarrangement.

Halsnøy Kloster

Halsnøy Kloster er i dag eit av fleire historiske tun i Sunnhordland museum sine samlingar og blir drifta som eigen avdeling, som museum og ein aktiv kulturarena. Gjennom heile året finn du små og store tilskipingar som omvisingar, utstillingar, føredrag, konsertar og den årlege «klosterdagen» med rikt program for store og små.

Baroniet Rosendal

Baroniet Rosendal er det einaste av sitt slag i landet og ein av dei største attraksjonane på Vestlandet. Baroniet er mellom anna kjent for den storslåtte landskapsparken med rosehagen og for eit rikt kulturprogram med konsertar, borggårdsteater, foredrag og kunstutstillingar.

Hyggjeleg hagekafe like ved urtehagen.

Trollkrabben

Trollkrabben er ein liten og triveleg fiskebutikk som ligg sentralt midt i sentrum på kaien i Leirvik. Alle råvarer er kortreist, då dei alltid handlar hos lokale leverandørar.

Hos Trollkrabben kan du sitje ned og nyta ei god fiskesuppe, eller ta med deg nokon av dei verdskjente fiskekakene ut på kaia.

Snor

SNOR er ein unik merkevarebutikk som ligg midt i Leirvik sentrum. Du finn dame- og herreklede frå kjende merker som Holzweiler, Gestuz, Mads Nørgaard, By Malene Birger, Morris, samt fleire skomerker som ARKK, Asfvlt og Superga. Hos SNOR får du fantastisk service og produkt av topp kvalitet.

Velværetunet

Velkomen til Velværetunet spa og behandlingssenter. Dei kan tilby 140 kvm med velvære for kropp og sinn i rolege og fine omgjevnader. Her kan du nyta alt frå da enklaste til De lux behandlingar for ansikt og kropp med deilige produkt frå Thalgo La Beaute Marine, Dr. Schrammek, Glo Skin Beauty, samt ulike spapakkar med dei beste ingrediensar frå havet. Slit du med ømme musklar, stress, sliten hud, ønskjer makeup eller bare treng eit friminutt i kvardagen? Ja, då er det berre til å ta kontakt med dei.

Slåtterøy fyr

Heilt nord i Bømlo ligg Slåtterøy fyr – ytterst ved Fitjarøyane. Der har det vist veg inn i Selbjørnsfjorden og vidare langs leden inn mot Bergen sidan 1859. Slåtterøy fyr ligg og strategisk til i forhold til den gamle handelsstaden Brandasund på Gisøya, naboøya i sør. Særleg under sildeperioden på 1800–talet var dette ein viktig plass for fiskarar som kom for å hauste av havet ute på Sørafeltet. Fyrstasjonen ligg på øya Slåtterøy ved Brandasund.

Havrafting frå Brandasundet gjer deg frisk sjøsprut, høge bølgje, rullande dynjingar eller spegelblankt hav. Opplev fart, spanande historier og vakker natur. Kontakt Venner av Slåtterøy fyr for info rundt omvisning og ribbtur.