Cafè, Brasserie og Bar 59°

I gullalderen for norsk linjefart på 60-talet, segla Leiv Martin Tveita og kona Aud – gründerane av Stord Hotell – som Stuert og Salongpike i utanriksfart på ruter rundt Sør-Amerika og mellom Europa og den amerikanske vestkysten.

Så snart skipet låg til kai og paret fekk fri, var dei kjapt i land for å sjå, lukta og ikkje minst smaka på det stoppestaden hadde å by på: Travle kafear, brasserie og barar i byar som Los Angeles, Callao, Valparaiso, Buenos Aires, Montevideo, Rio de Janeiro, San Fransisco, Acapulco og Le Havre. Asado med gauchoar ute på den argentinske pampasen. Karibisk stemning og lokale spesialitetar på Barbados.

I tillegg til ulike typar last hadde linjeskipa også med seg 12-15 passasjerar på rundturane. Til sjøs var det Leiv Martin sin jobb å traktera desse «cruiseturistane» på beste vis med nydeleg mat og drikke i den staselege offisersmessa – gjerne krydra med spennande historier frå Noreg og Europa.

Cafè, Brasserie og Bar 59° er inspirerte av åra Leiv Martin og Aud hadde i utanriksfarten, med stil- og interiørelement frå både skip og kontinentale restaurantar, kafear og barar. Menyane våre er influerte av klassiske brasserie- og kaferettar og Leiv Martin sine år som skipskokk og Stuert – med ein lokal og moderne vri.

Saman utgjer Cafè, Brasserie og Bar 59° den nye treffstaden på Stord: Klassisk og elegant – men samtidig urban og uformell. Her kan både tilreisande og sambygdingar mønstra på og bli med til ei heilt eiga verd i hotellet – anten du droppar innom for ein ekstra god lunsj eller middag, slår til med ei heilaftans reise gjennom ala carte-menyen, inviterer vener og familie til selskap, eller berre vil slappa av med ei god bok, litt å bita i og kanskje noko ekstra godt i glaset.

Våre tilbod og aktivitetar